فى صورة اترسمت جوة عقولنا من قديم الازل عن السفر والناس اللى مسافرة واكتر صورة هى صورة اللى جايين بعد سنين غربة من السفر والصورة عاشت جوانا سنين كتير .
اول صورة : وهى الصورة الكاركاتيرية للقادمين من دول الخليج والسعودية وهو جاى وشايل المروجة والكاسيت والفيديو ولابس جلابية بيضاء وومكن يكون لابس فوقها جاكيت بادلة وفى بعض الاحيان بيكون مربى سكسوكة على شنب خفيف كدة وتروح العائلة الموقرة بزعامة عميد العائلة فى استقبال هذا الفاتح العظيم القادم بالغنائم وثمار غربة السنين ونسيت اذكر طبعا قفصين التفاح الامريكانى علامة الجودة و الترفية وهنا يجب ان نلقلى النظر على الحالة الاجتماعية للمسافر التى سوف تنقسم الى قسمين :-
الاول : الاعذب وهنا يبدأ هذا الشاب( لو كان لسة فى طور الشباب اليافع) بالاحساس بانة متميز عن كل منافسية فى الزواج باجمل جميلات البلدة او الحى او الكفر حيث يسكن ويبدأ فى التشرط و وضح شروط العروسة – اللى امها داعيلها طبعا - وان تكون جميلة بيضاء هيفاء فرعاء سوداء الشعر او لو غاوى تبقى صفراء الشعر خضراء العين و لو موجود زرقاء يبقى كدة , ذات دلال وصوت حنون تطيع الاوامر و ويفضل ان تمون تتكلم الانجليزية بطلاقة ولو حاصلة على لقب دكتورة يحبذ هذا ولو رجعنا بالزمن ورة شوية هتبقى مؤهل عالى لكى يقوم من مجلسة للتوجه الى بيتها للطلبها لزواج فمن فى هذة الفترة يرفض مثل هذا العريس المحمل بالخيرات من بلاد النفط والثراء
الثانى : وهو متزوج ويعول عدد من الاولاد والبنات يبدأ هو بعد ما وزع الهدايا والخيرات على زوجتة واولادة وبعض اقاربة فى الاتصال بالسمسار واو المقاول على حسب هو فى اى مرحلة فى مرحله البناء يبقى المقاول مرحلة تحديد المكان والارض يبقى السمسار لكى يقوم ببناء بيت له ولأولاده او بناء عمارة سكنيه للبيع والايجار لكى يتكسب من خلف هذا , وفى بعض الاحيان فى مرحلى تاريخية ليست بالبعيدة كان القادمون من السفر يذهبوا لشراء الميكروباص او تاكسى – المشروع السحرى فى فترة زمنية مضت .
ثانى صورة : دى صورة خاصة شوية رسمتها السينما فى الافلام العربى اللى بنحب نتفرج عليها وهى صورة الشاب اللى سافر ياخد دكتوراة من روسيا فرنسا امريكا وكان متميز جدا ورجع بعد عشرة خمستاشر سنه وراجع وهو مربى دوجلاس والبيب فى بقة و شعرة طويل سنه وممن يكون لابس نظارة عبقرية بقى نعمل اية وراجع بيتكلم انجليزى وبيتكلم عن الحرية والنظافة والتعاون والعلم science –اية ال science دة ؟ _حاجات غريبة كدة مبنسمعش عنها فى البلد عندنا ولما حد يعمل حاجة غلط يقولة غبى متخلف stupid وكل كوم والديموقراطية والبتاعة التانية اللى اسمها ليبرالية كوم تاى وكل حاجة يقولك بعدها sure او يقول absolutely قط واية قط مش عارف لحد ما سألت واحد مثقف واخد اعدادية قالى not absolutely not, not يا جاهل المهم الراجل الدكتةر دة يجى يدور على شغل فى الجامعات ومراكز البحوث يلاقى مكان وطبعا المكان مش عاجبة عشان رئيسه فى الشغل غبى او متخلف او على حد تعبيره stupid وممكن يكون الراجل دة معاة فلوس كويسة وهو راجع عشان برة بيقدروا العلو والعلماء بس هو اتوكس عشان فكر يفيد بلده اللى ربتة وكبرتة وخالتة بنى آدم بس للآسف نئبة جة على فشوش
صورة اخرى : ودة بقى واحد راجع لابس بنطلون جينز مبهدل شوية وجاكيت متمرمط حبيتين وجى فى هدوء من غير ما حد يعرف وشايل شنطة handbag صغيرة فى ايدة والحزن مالية واول ما شوف امه وابوة يترمى فى حضنهم فى مشهد كلاسيكى مؤثر و موسيقى عمار الشريعى تطلع تقطع القلب والواد يعد يعيط ويقول ضحكوا علينا يا ماما فى الغربة كنا مفكرين بره جنة وهنا الجحيم لا مصر دى الجنة وبره نار جهنم مصر اعظم بلد فى الدنيا ظو انا لازم اشتغل واتعب واعرق هنا ولازم اكبر من هنا خدعونا بالسفر بره انا شوفت الويل برة مفيس رحمة مفيش دين مفيش اخلاق وشوية كلام من دة اللى يخلى الواحد يفتكر ان برد دى شيطان متجسد فى صورة بلد
دى صور اتربينا عليها من واحنا عيال صغيرة فى الاعلام والتلفزيون والسينما قصص نجاح لمصرين نجحوا برة النمر الاسود ومحمود المصرى ومحمد الفايد وقصص فاشلت عنتر شايل سيفة وخلافة
الصور دى كانت فى القرن الماضى لكن اية الجديد فى الالفية الجديدة ؟
اية صور الناس اللى عاوزة تسافر؟ومين هما ؟ واية قصصهم واية اسبابهم ؟
قد تتشابة الاسباب مع الاسباب القديمة وقد تتشابة الناس والقصص وقد تكون الصور الكلاسيكية مازال لها التأثير فى العقل الباطن لدى المسافيرن
ولكن الاختلاف فى الحال الكائن والمشاعر والامل و شدة الاسباب عن ذى قبل رغم انها نفس الاسباب والاهم الجدوى من السفر وما يطمح له بعد السفر والاخطر عدد المقبلين على السفر والهجرة عن ما كان علية الوضع فى القرن المنصرم.
